馬時亨阻住地球轉

馬時亨作為港鐵公司主席, 本來就唔應該就高鐵一地兩檢安排出聲, 皆因佢間公司係既得利益者, 任何發言都帶有主觀元素。但呢位前高官以為自己好受公眾歡迎, 既然主動辣著一地兩檢的火頭, 話叫啲議員唔會阻住個地球轉, 政治表態最終議案還是會通過云云。其實而家條高鐵本身問題多多, 港鐵既不能售賣內地段車票, 要將售票權交比中國, 而一地兩檢安排本身又出賣左香港既主權, 咁成條高鐵香港人比左成千億出黎, 原來就係咩權力都無既, 賣票錢落唔到袋, 司法管轄權又比埋中國, 咁呢個獨立王國到最後究竟係咪會歸左入鐵路部管轄呢?

其實馬時亨本身呢期出嚟講嘢都係充滿住「幫人發聲」的嫌疑。之前話港鐵可以接駁現有系統至貨櫃碼頭, 以供貨櫃碼櫃上蓋發展住宅之用, 便被人指為土地大辯論中的貨櫃碼頭起屋方案作說客, 而且此一安排亦有輸送利益予港鐵之嫌。其後又話港鐵目前正與廣東省內既城市合作, 將香港既鐵路加房產模式輸出, 然後將呢啲項目設為「香港城」, 供買唔起香港樓既年輕人置業, 迫佢地返中國工作, 話大灣區好多機會云云。其實作為香港公司既管理層, 兼前高官, 點解會係迫土生土長既人離開屋企搵機會? 仲要係咩都未知既機會。好多外國人都中意四處工作, 那是他們的人生選擇, 政府本身並沒有迫他們離家。但為什麼事到如今, 香港卻是由上而下不停咁趕香港的下一代返中國送死? 每天都在媒體說大灣區好多機會, 好有利香港年輕人就業甚至創業, 馬時亨更威脅香港年輕人「你中意住細單位係你地既事」。如果馬時亨咁中意返中國, 咁由你開始返去先啦, 唔係你呢班老鬼霸住上流發展機會, 香港新一代會咁無希望咩?

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store