馬時亨口賤 記協去左邊?

馬時亨雖然唔係咩高官, 但喺香港呢個騎呢城市, 馬時亨作為港鐵主席, 其重要性同運輸局長無太大分別, 而且呢間公司係壟斷了過半香港人既日常交通, 佢既一言一行都應該受到公眾檢視。佢呢條友前兩友口爽爽批評記者「比咁多資料你地都唔識架啦」「我地話OK就OK」去反駁記者有關高鐵磨爛路軌既提問。到左今日佢又以一向輕佻語氣話自己言論係因為「天口熱, 無祈禱」所致, 但又唔肯收回說話, 即係話佢骨子裡覺得佢講既嘢係啱, 佢認為地鐵係唔需要就事件向公眾及記者提供更多資訊, 因為「比左啲資料你都係唔識睇」。佢咁樣其實已經侮辱了整個記者行業, 我們的專業團體香港記者協會係咪應該出聲明去譴責馬時亨的說話, 並要求馬時亨向所有記者道歉呢?

馬時亨一直都有與前線記者保持聯絡搞公關, 目的不言而喻, 就係為自己仕途鋪路。佢一年一度既羊架宴成為不少小記者接更上層樓的踏腳石。當然, 我自己無去過唔知好唔好食, 但不少老總應該都食過唔少了。但咁樣唔代表可以輕輕放過呢條友。最恐布既係唔少報章周日報道都為馬時亨說話, 認同毋須提供更多資料, 咁樣自我閹割既傳媒, 真係只有香港才見到。當傳媒連第四權都要被外人剝削掉既時候, 傳媒還有幾多公信力呢? 各位老總不如入晒政府做新聞主任啦, 每個局一個應該够位既。

Image for post
Image for post

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store