香港高鐵自廢武功

哈哈,高鐵大白象工程又一明證!無線新聞報道,運房局指出,由於港鐵未獲授權發售內地段車票,高鐵西九總站會另設內地段售票櫃位。這是回應今朝港鐵主席馬屎坑話香港高鐵因票務系統問題,不能購買中國高鐵車票一事。

首先睇睇港鐵點定義高鐵香港段,網站話「高鐵香港段全長約26公里,由香港的西九龍連接至深圳,不設中途車站。走綫途經油尖旺、深水埗、葵青、荃灣及元朗各區。全綫均採用專用軌道,並以地下隧道形式興建。」

咁即係話,照理解未來高鐵香港西九站只能售賣至深圳福田既車票。若然要由深圳福田去中國其他車站,就要去另外既櫃位購買。

咁一個人坐高鐵唔會只係坐去深圳就落車啩?咁呢個安排即係要香港人先去中旅社買高鐵大陸段車票,再去西九站搭高鐵去深圳轉車?嘩,中國政府咩事一咁大整古呢?你要香港起高鐵,但原來香港高鐵既售票系統係唔能够 one stop ticketing 幫香港人買好終點站既車票,咁我使咩搭高鐵?我坐火車去羅湖再轉車一樣咋喎。

但我相信南下搭客係可以一站式購票,因為中國高鐵要一地兩檢,都係為左呢班南下既人唔使中間落車過海關,咁佢地自然可以喺中國網上買去香港既車票!香港政府又被搵笨了,恭喜晒!

HKET報道:針對馬時亨對高鐵售票系統的說法,立法會鐵路事宜小組委員會主席田北辰批評,馬的說法是「荒天下之大謬」,認為現時市民已經可於網上購買內地的高鐵車票,包括直接購買在廣州南站乘車往各大城市的車票。他認為,港鐵必須在香港段高鐵通車前,解決售票系統問題。否則他形容,若港人由西九龍站出發,經廣州南往各大城市,即是「短程駁長程」,但若要在廣州南站等待一段時間以買「長程」車票,只會浪費時間,令港客改乘飛機,高鐵也就失去原先效益。

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store