陳帆局長收聲吧

林鄭新政府其中一名最乞人憎或討厭的官員,無料之餘仲要經常同記者及議員鬥咀,盡顯其吹水唔抹咀的天賦本能。當然,在今屆政府下,林鄭本身都係吹水上位,自然會㨂臭味相投的人做佢馬仔,但都唔代表一個高官可以吹水如入無人之境。議員們就高鐵列車在車廠出軌一事向陳帆提出質詢,佢竟然迴避問題之餘仲要大講無聊廢話,比較出軌同甩轆的分別。

大佬,堂堂一個運房局長,你就最叻玩文字語言遊戲,但基建有問題卻又迴避問題,你一個二十幾萬人工不如去做電台好過啦。吹水叻反映你無專業知識,唔識判斷事實真偽,只任由中共方面去詮釋事件,結果就係列車無出軌,係偏離軌道,人工島啲石無漂離,係隨機放置,係唔熟悉建築既人誤信一張圖片。

除左陳帆,成個政府呢個星期不斷打壓戴耀廷也是痴線之舉,成個政府咁多嘢做唔去做,就去批評一名學者純粹研究的學術討論,又扯到港獨。請問中共係咪咁無信心令人心歸向?旭下就話人港獨其實好煩,人地有無做有眼睇,而唔需要外人去下定義。況且香港的司法程度也比任何一名政客高,政客實在毋須用謊言指點法院做事。

其實香港已經淪落為一個謊言城市,就係多得呢種有嘢唔做只識吹水既官喺度奉承中共,把事實抛到腦後,目的只為政權一初歌功頌德。試問若大橋及鐵路真出現意外,這些人會如何?自然係潛水了。各位要是接受這些謊言繼續管治香港,又或是站出來去講真話,保住這個城市的真實面貌?

蘋果報道:會上多位議員指高鐵試行第3日即發生出軌事故,追問港鐵何時會向政府提交報告。陳帆以「甩轆」形容事件惹來經民聯林健鋒炮轟,陳帆隨即表演「語言偽術」,指「甩轆」可解作「車輛鬆脱」和「小瑕疵」,他的意思是指今次事故只是「小瑕疵」。

後來公民黨譚文豪亦加入戰團,稱「甩轆」引起建制派芥蒂,「諗返起政改甩轆事件」,反問為何不直言高鐵出軌,陳帆稱形容不準確,因為「出軌」的英文可翻譯為「affairs」,通常是形容二人有婚外情,故改用「甩轆」形容事件會比較貼切,更稱希望與譚文豪作「心靈上嘅溝通」,引起在場人士嘩然。

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store