香港寬頻黔驢技窮?

香港寬頻繼承了城市電訊王維基的風格,語不驚人誓不休,但問題是王老闆始終係實業家,係有成績做到比人睇,但香寬頻呢班無端發達既打工仔,似乎淨係一味識用把口嚟打口水戰。今日蘋果即時報道香港寬頻又出招減價,4G限速計劃78元包5GB數據,適用於全港所有轉台到香港寬頻及開新線既用戶,即係所有客都受惠。而舊年香港寬頻大大聲要搶香港電訊手機客,結果係點呢?香港電訊客數不但無流失反而仲升左8萬7000人,咁係咪暗示有人條數唔達標?而和電香港去年月費用戶亦淨增長1000人,數碼通去年客戶總數則更大升14萬客令總客戶達到220萬,那若香港寬頻搶客成功的話,客戶從何而來?全部都是新開線客戶嗎?老老實實,如果香港電訊既客係咁中意平價,一早轉走左,點會仲有300幾萬月費客戶?而家香港寬頻將搶客目標擴至全部手機客,代表佢地去年所訂專搶香港電訊用戶既招數失靈,要面對現實搶其他公司既客,相信首當其衝會係數碼通,皆因數碼通租網予香港寬頻做流動網絡商,下下打正旗號以平價來用數碼通網絡既服務,數碼通真係用小鳥來打都頂唔住。

事實上,香港寬頻似乎真係對住數碼通來打,今日又無端端推出免費試用WIFI漫遊蛋服務,新客戶及續約客戶登記送10日免費試用,現有客戶亦可獲5日免費試用。公司指,該Wi-Fi蛋可於全球過百個國家及地區使用,以4G速度使用每日500MB數據。家陣自由鳥的漫遊SIM以日費低至幾十元一日無限漫遊數據打響名堂,繼而擴至本地無合約月費市場,今次香港寬頻又再出低價計劃,明顯衝著自由鳥的90元無合約5GB而來。數碼通作為網絡供應商面對租客不斷向自己挑機,係咪要認真諗下雙方日後既關係呢?

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store