陳沛敏為同事表現自豪

《蘋果日報》副社長陳沛敏今晚獲保釋離開將軍澳警署,她甫離開警署即向現場傳媒微微欠身:「唔該晒,辛苦晒咁多位!」

陳沛敏表示:「我知道仲有兩位同事未出到嚟,佢哋被當局以《國安法》起訴,我好難過,希望佢哋可以盡早保釋到出嚟。」

她續指,被扣查逾40個小時,知道公司同事繼續緊守崗位,採訪報道新聞,她稱:「我以佢哋自豪,辛苦晒佢哋!」她又謂知道今日《蘋果》如常出版,「我真係好感動呢樣嘢,盡量啦!盡量做!辛苦晒咁多位!

至於保釋條件,陳指包括現金及被沒收旅遊證件,續指案件已進入司法程序,不便透露太多:「我對於兩位同事被檢控,我好難過,希望佢哋可以盡早保釋出嚟。」又連聲謂:「希望大家早啲收工,辛苦晒咁多位!」她指明日將到西九法院支持張劍虹及羅偉光。