鄭若驊點收科?

Image for post
Image for post

星期日,本應是家庭日。但呢個特衰政府卻擅用傳媒淡靜的日子,派出身有屎的鄭若驊上商台接受訪問,是出任律政司長後首度受訪。當然,佢講完同無講一樣,繼續話自己好忙忽視了問題又致歉咁。但香港人收貨嗎?香港有幾多住喺唐樓將啲空間用好啲就被勒令還原,鄭若驊而家係咩態度?知法犯法唔使承擔後果?

但有趣的是,鄭若驊發完聲營造自己好忙既形象時,新任大律師公會執委大狀駱應淦竟然接受香港央視訪問,訪問期間大聲質疑鄭若驊忙到處理不了僭建的理由並不充份。他對著央視觀眾說:「如果真係要做嘅話,拎本diary出來,一日開幾多次會,又要做仲裁、又要做調解、又要上法庭,又要上北京講書、又要在香港講書、教學。」

駱大狀認為,忙不可以是僭健的藉口,但起碼可以令人諒解,「為何這麼懶惰,無注視僭建的問題,若大家接受,便可以繼續做下去。」

拿,駱大狀擺明幫鄭若驊搭建下台階吧!佢一係將自己有幾忙交待好,一係就打定辭職信。其實大狀已經好厚道,佢都比足機會鄭若驊。但過去一段時間佢以為潛水唔出聲件事便會被公眾遺忘,但明顯係錯咯。佢根本不屑去處理呢單嘢。若然佢要回應買單位時不知情,應拿出屋契同買賣合約證明入手當日無僭建,而唔係當無事發生吧!當然,傳媒的揭露在在顯示鄭若驊呢個僭建係有預謀或是知情,但卻推給自己忙無時間,咁樣只會影響整個政府的公信力。試問現在香港人誰不忙?有沒有人因為忙唔記得交稅而無被罰款?鄭若驊唔好當香港人白痴吧,道歉辭職係最起碼的政治道德要求,被特首慰留是另一回事,至少表達辭職係負起問責官員的責任,而非逃避責任。

不過,另一有趣點是商台及CCTVB同日的過招。商台以陳淑薇幫鄭若驊做政治化妝,效果如何大家心照,根本只是一次性的宣傳,無人會理。至於香港央視專訪駱大狀,並語出針對鄭若驊,完全不像CCTVB風格。這是否正反映出北京方面也未敢對鄭若驊押重注以免惹屎上身?定係透過大狀把口叫鄭若驊識Do? 是兩條路線之爭嗎?

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store