許智峯曝泛民死症

許智峯議員終被民主黨凍結黨籍,並會送該黨紀律委員會研訊作下一步行動。立法會左派打算提出譴責議案以求DQ許議員。政府方面亦一早表明不接受許議員的行為。許議員真係要好好珍惜佢既議員資格,係時候籌備下落區感謝選民支持佢啦。

我一直係泛民支持者,上屆大選我投眾志無投比許議員,但超級議席我係投比鄺俊宇。無他,民主黨係要撐的。但問題係你唔想人做你世界,你要自己好好做好本份。唔係下下要突出自己嚟搏sound bite。許智峯做區議員已經有前一科,又扎營又報警又帶埋個女出嚟做show,但今次以立法會議員身份搞出呢單是非黑白甚明既事,證明呢個人只愛出風頭同唔冷靜唔成熟,佢都係要接受下失敗先可以成熟一啲。

有人話許智峯要曝露政府立法會監察議員行蹤,希望踢爆政府人員惡行,仲話今次炒佢係墮入左政府陷阱,令泛民席數再減但呢一點要普羅大眾明白係好困難,因為大家只知你搶人手機。

所以民主黨無犯錯的空間,老老實實,佢地一直錯估形勢,如果係要開政府狗仔隊呢個point,可唔可以20幾個泛民一齊出嚟開記者會講呢樣嘢?你許議員一條友咁樣自己行動,家陣有閉路電視咋喎,如果條女告佢非禮你吹得佢脹?

從政人士要明白自己做緊啲咩,我唔會懷疑許生既出發點,但佢一條友要做英雄定點呢?我唔知,但我只係見到佢自己玩死自己。如果係泛民一齊收晒咁多EO既手機,一齊在記者面前check,個效果會點?當然事情已發生了,唔係馬後炮,但做傳媒既經驗可以證明,呢班泛民都係係咁先,無組織、無目標、無膽識

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store