<蘋果日報>批聖公會前有查真相嗎?
作為聖公會教友, 面對這樣的傳媒報道, 會在想究竟是教會本身有問題, 還是傳媒及不清楚內情的人的言論, 已蓋過了一切呢? 社福機構薪金水平高低可以討論, 但文章以聖公會花錢買樓作為引子來營造教會錢多到用嚟炒樓就好有問題, 如果落筆既記者有查詢過聖公會, 應該會知道聖公會買樓都主要係用作牧師既牧宅用途, 而非炒樓。
教會有錢, 有好多原因, 可以係來自信徒捐款, 加上理財有道, 但動輒批評教會買樓就係炒樓, 同共產黨話戴耀廷搞港獨有咩分別? 蘋果幾時做左中共既同路人呢? 同埋, 用教會置業同聖公會社福機構高層人工拉埋一齊嚟講, 係偷換概念, 文中都有指出, 福利協會係受社會福利署一筆過撥款政策規管, 同教會買樓係無直接關係. 呢個係政府一筆過撥款留落嚟既問題, 同教會置業無關。當然肥上瘦下可以討論, 但亦都要明白, 你管一個社福機構同管一個私人機構既能力係無分別, 都係爭奪緊同一批人才, 仲要係限米煮限飯, 若然你出手低, 搵啲唔够料既人返嚟, 搞到啲服務無以為繼或者滿足唔到受眾, 咁係咪又將矛頭指向教會或社福機構高層? 而該報以社署署長人工同社福機構高層人工作比較, 係咪言下之意認同社福機構CEO唔需要有社署署長既能力?
教會既總部係咪有必要成立一個傳訊部, 去全盤檢討教會在社會及傳訊上與外間溝通出現的問題? 現在已去到一個地步, 就係教會做任何事情都會被上綱上線, 但事實卻沒有人去討論, 這樣一味處於捱打局面, 對教會聲譽構成嚴重影響。當中必然有問題要去解決, 唔係話要做公關, 但最少要在傳媒層面, 解釋番教會買樓既目的, 如果呢啲都唔做, 如何去取信其他未信的人?
