聖公會管浩鳴為何受狙擊?

Image for post
Image for post

聖公會教省秘書長管浩鳴今日被明報頭版揭發買一個豪宅單位,以公司轉讓方式避稅,並無向聖公會申報。另外他持有一個商鋪物業的公司,是其契女持有並有承接聖公會工程。

事實上,不少香港人都會以公司轉讓方式買樓避稅,本身問題不大,但問題係點解聖公會啲牧師咁有錢買豪宅呢?另外,點解管先生被問到用公司名義買樓時要初不認之後又認呢? 講真, 你有錢買樓好正常, 你識得避稅亦都好正常, 但你認左佢咪得咯, 避稅又唔使坐監既。況且, 報道都話聖公會容許牧師私人買賣物業毋須申報啦。咁你咁驚比人知係咪驚有鍋要爆呢?

其實最大問題係管生私人持有商鋪物業果間公司, 原來係佢契女開既一間顧問公司, 呢間顧問公司原來有接聖公會既生意, 管生話有申報, 但係明眼人一睇就知, 呢啲用契女契哥既手法, 都係用嚟過橋漂白, 背後點解要搵中間人過一浸先做呢啲交易, 大家心照咩原因。而佢唔好彩呢間公司又要接聖公會既生意, 咁樣其實觀感上已經係構成左有輸送利益既嫌疑啦, 你作為一個牧者原來做啲嘢咁入世既, 其實你真係適合做稅務專家或者地產經紀, 多過做牧師咯。

其實, 據知聖公會其實對全職牧師既照顧都好好, 衣食住行基本無憂! 當然退休後無左牧宅要自置物業既, 但係咪要用避稅方式去買樓呢? 既然佢自己係首置人士, 應該無印花稅喎, 咁點解又要話係幫屋企人買跟住又話退休之後去住, 成個故仔作都作得好啲啦, 唔該。

明報搵呢單新聞嚟做頭版, 背後有無咩特別意思呢? 應該係有人爆料先有得查, 否則, 記者咁忙唔會無聊到每一宗交易都會比錢去查冊的。而查下資料, 聖公會將會喺出年選舉大主教, 唔知兩者有無關係呢?

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store