港鐵搬香港人返大陸住

香港鐵路有限公司, 係一家以香港為基地既公共交通運輸機構, 經營香港唯一的重型鐵路系統, 兼負責鐵路沿線各站的物業發展, 這套以地產補貼鐵路的營運模式, 使香港鐵路成為了香港社會上的一頭怪獸, 一方面公司可以受政府保護, 年年按照成本及通帳加價而不用立法會及行政會議審批, 另一方面又可以透過發展物業獲得龐大的利益。但普通市民如非港鐵股東, 基本上只能每天科水港鐵, 直接培育呢頭怪獸。

但呢隻被香港人育成既怪獸, 又諗出怪招出嚟趕走養育佢既人。港鐵主席馬時亨話,港鐵正與中國鐵路公司商討,在廣東省覓地建設「香港城」。港鐵公司正尋求在南沙或佛山一帶,建立一個充滿「香港氛圍」的區域,內有住屋、商業和醫療保健設施,預計施工過程不過三至五年。他認為可以透過鐵路網,為年輕或退休人士,提供一個樓價相對較低的社區。

他又提到,香港和廣東省政府可以合議設立高鐵月票制,令鐵路旅程價格更相宜;亦可藉此說服中央政府,讓在內地居住、香港工作的民眾,支付本港稅項。

咁即係將香港既新市鎮設立喺廣東省既南沙或佛山? 咁如果係, 馬時亨點解唔講多一句, 就係將呢兩個香港城既地方交由香港特區管治呢? 咁樣咪可以打個和咯, 你一地兩檢派人落嚟, 我地香港城派人上去做香港政府既嘢,咁樣係咪可行既安排? 但問題既重點係, 香港真係無地方, 還是要將香港人北移來遷就南下既中國人? 點解香港既公司唔喺從香港人角度出發, 而要從中國人角度出發呢? 以中共既諗法, 呢啲人係咪賣港賊呢?

同埋, 香港氛圍, 同真正香港既環境, 係唔能够複製的. 你有咩把炮話喺中國一塊地重建一個一模一樣既香港? 如果那個香港城一樣用唔到香港手機網絡, 一樣上唔到Google同Facebook, 一樣睇唔到香港既電視報紙電台, 咁呢度就唔係香港了。所以馬時亨講嘢都真係得把口, 完全落實唔到又講出嚟真係賺SOUND BITE咋。

Image for post
Image for post

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store