民主黨推崇中國科技發展?

泛民議員跟隨一班左派同官員去大灣區考察。對泛民支持丈來說,能够返大陸不代表媚共,但做人都應該有人格,做為一個政黨既黨主席當然也要代表選佢出嚟既選民講嘢。一行幾人既泛民議員北上前又換手機又換SIM卡,話避免黑客侜侵手機呢樣果樣,講到底都係缺少一個信字。點解香港人咁驚共產黨搞出嚟既嘢,咪就係佢紀錄欠佳,表面做一樣嘢,背後其實做緊另一樣嘢。好似微信咁,好似好方便大家比錢,聯繫同娛樂,但其實背後不斷用手機追蹤你既行蹤同做過啲咩,騰訊更有一個系統係用人臉幫人搵番失散幾十年既親友,呢啲技術咪就係依賴來自微信呢啲大數據加埋警察銢安既資料結合出嚟,係咪好先進呢?當然,但更先進既係佢地喺無個人資料保障的情況下做呢樣嘢,在這個國度你能拒絕嗎?

所以,當民主黨胡志偉喺訪問期間講左句中國既科技發展真係好先進時,其實盤映左呢班人同民賤聯既思維都係一樣。就係中國發展好,香港要落後的思維。這作為一個反對黨的領袖而言,有咁既說法其實同背叛選民無分別,皆因選民支持民主黨就係想佢地對抗中共,而唔係同佢地講好說話喎,如果係真心支持中共既事,加入民賤聯便閡.是,毋須食兩家茶禮喎。更何況,佢對中國科技發展既讚美,似乎係由心出發,佢無諗過中國能發展出一套咁既系統,係犧生左幾多個人自由及私隱?如果佢連呢啲既思維都無,泛民就真係惡喺呢班賣港既政棍手上。因為共產黨只須派出馬雲同馬化騰,耍少少錢,便收服了最難搞既民主黨。下一步要搞埋支聯會有幾難?

香港人唔中意用中國既支付寶同微信,講到底就係保障自己,唔想所有嘢同人分享。留番少少籃人空間比自己有咩問題?你呎兩個app點解一定要存取我既通訊資料?我比晒你咪出賣晒我啲朋友?我唔比存取權限你又唔比我用,邊有咁霸道架。中國公司就係用呎啲招數去存取大家既大數據,然後喺你買嘢時按照你既社交人脈借錢比你,咁樣既背後監控你地民主黨唔係接受到呀?你地仲記唔記得前黨員北方召妓被拍照事件?

民主黨呢班人實在無藥可救。現在要救香港只能寄望非傳統泛民既政人黨來捍衛香港人的核心價值,而非事事都認同中國好過香港,妄自菲薄!

香港電台:民主黨主席胡志偉表示,內地以很大力度推動創新科技,並實踐在生活中,對香港而言屬很大警號,特區政府和社會要思考如何應對。他認為推動創科發展,除了政府投入,亦要有冒險精神,以及改變官僚作風。

胡志偉又說,議員參觀時了解到內地創科發展勢頭一日千里,特區政府推動創科發展應更積極主動。

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store