林鄭語言偽術難救火

其實政府係咪無公關人才呢?成個政府新聞處連一個有sense既人都無?定係林鄭本身已乞人憎到一個點,係表面上好多人幫佢,但實際上做嘢果班都係想佢死?

Image for post
Image for post

今日呢個黑面記者會再次用火水嚟救火,除咗泛民唔會收貨,當初明撐政府的建制派私下也必然怒吼,儘管未必再有好多人會持續上街,也可能有人會覺得政府已變相撤回方案。

但現在的爭拗點已轉至暴動的定性上,其實如果只有17個人有暴動行為,那只是局限在立法會大樓範圍,動不著要用150粒催淚彈驅散和平示威的民眾。人不犯我我不犯人,和平示威者若非見警拎住長槍準備射椒,怎會開始搬鐵馬來自保防線?你一放彈,全部人已逃跑上半山了,然後你警方繼續放彈,不斷用暴力手法驅散手無寸鐵的人,那到底有沒有人性呢?

現在你林鄭同肥仔聰在玩文字遊戲,但說到底骨子裏還是認為所有人是暴徒才捨得用胡椒和催淚彈吧!你杘鄭下次自己試下去聞下催激彈係咩味道,唔好假慈悲話呢班中椒既人唔係暴徒!你根本心底裡仍然覺得呢班人罪有應得。

不然,撤銷暴動指控,改控其他罪名有何困難?現在的說法只反映政府龍門任搬,鐘意就五個人暴動,唔鐘意就五十萬人暴動。你地將呢單嘢推晒比前線指揮官,但問題係你前線真係有權作主唔使警務處長決定?警務處長唔使同特首討論?

你當日如果認為群眾係和平示威,就唔會放彈。唔好而家衰咗就唔認然後老作個理由氹大家落搭!而家相信好多六一二在場的人會覺得政府厚顏無恥,親政府既人又會話政府被反對派挾持,而家你兩面不是人,說到底都係快啲辭職走人啦,無人會再信你啦。

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store