林鄭要校長查教師政治立場

林鄭月娥昨稱會要求校方保護所有復課後受欺凌的學童,包括警員的子女,《蘋果》取得的錄音顯示,林鄭前日於閉門會議指自己和教育局局長近日不斷「做校長嘅工作」:「(我哋)希望校長喺學校裏面,更加可以掌握到自己老師嘅政治立場,或者能夠保護到我哋警隊嘅警務人員子女,學你(個別與會者)話齋,佢哋真係無辜㗎!」她透露早前到訪黃大仙紀律部隊宿舍,見到警員家人的焦慮,重申無論對政府不滿如何大,也不應影響警員的子女。

至於林鄭堅稱即使社會衝突升級,亦不會停止構建對話平台,林鄭前日於閉門會議時則指:「我公開話希望建構一個對話平台,但經過過去兩日(示威衝突)情況,大家今日報紙睇到啦,你何談對話呢?你根本無條件去對話」,她未有表明叫停,只稱:「如果有一個政治回應,可以促成對話,我當然願意、樂見,但今日喺呢度,恐怕就唔可以好正面、積極回應到大家對呢個嘅要求,但我哋會繼續努力,希望搵出呢個方法啦」。有與會稱不明白為何政府拒絕正式撤回修例,林鄭只重申政府已停止修例工作:「但用『撤回』呢兩個字,今日實在係有困難,亦都好難再講得好清楚、好明白」,席間未有清楚解釋原因。

林鄭交流時不乏自責和吐苦水,包括指政府過去兩年努力進行青年工作,如提供到內地和國際的交流實習機會,以及增加教育撥款,又為年輕人提供更多參政議政機會,「但恐怕呢啲﹙安排﹚、或許現時睇落嚟,都係比較表面,我哋未能更好掌握青年人嘅心態」…