林鄭死撐封區不擾民會有下次

政府今晨四點刊憲,宣佈圍封佐敦油麻地吳松街、南京街、炮台街以及甘肅街以內範圍,指明「受限區域」內逗留超過兩小時的人士必須留在其處所等待接受檢測。行政長官林鄭月娥下午到場視察,她不同意「封區」做法擾民,指決定「涉及公共衞生係冇辦法」,「我哋喺香港做抗疫已經係相對重視俾呢個城市、俾居民有一定活動。

林鄭表示親自到場「趁機同同事打氣」,又感謝市民配合「小區範圍形式」接受強制檢測,強調在未完成檢測前,受限區域內的人都不准離開。她指有與市民交談,指市民亦認同做法,「我都問佢覺唔覺呢兩日好難受,佢哋都話可以接受。」

林鄭指政府首次援引《預防及控制疾病(對若干人士強制檢測)規例》(第599J章 )限制特定區域人士進行強制檢測前,已作內部研判,其中考慮因素包括確診個案、樓宇狀況及污水水管病毒樣本。她又指已考慮行動的可行性,動員3,000人協助,目標在48小時內結束行動「將市民影響減到最低最低。」

盛傳多日的佐敦油麻地「禁足令」一直未獲政府確認,林鄭坦言封區「唔係做一次」,將從行動中汲取經驗改善,「其中一個就係喺咩時間公佈」。她認為行動事前必須保密,否則會削弱效率,但同時要兼顧籌備工作,並指有3,000名政府人員協助工作,街市商戶亦獲及早知會,難免洩漏消息,「係咪下次當市民一收到風,就要稍為早啲公佈行動細節?」

對於有居民在「封區」前已離開,林鄭坦言區內私樓多為三無大廈及劏房,沒有詳細的住戶名單可跟進,所以較麻煩。她強調強制檢測需要市民配合及支持,不能單靠政府,「無可能做到百分之一百滴水不漏」、「唔通我哋隱瞞佢哋(街市商戶),等佢哋收咗檔,聽朝三、四點送貨嚟先知封閉咗咩?我哋都要考慮法、理、情。」

林鄭之後又評價政府抗疫一年的表現,指「呢12個月嚟,我哋真係盡心盡力」,又指抗疫工作不會一朝一日到位,「從來唔會因人哋覺得我哋做得唔好而氣餒,因為咁樣會影響軍心。尤其是我作為行政長官,我其中一個責任係維持團隊士氣,令到呢3,000個同事覺得自己係做緊一個好重要嘅任務同使命。」

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store