林鄭重視新聞自由

香港報業公會主辦的香港最佳新聞獎今日頒獎, 請到行政長官林鄭月娥任頒獎嘉賓。本來呢啲頒獎禮都係行禮如儀, 無咩特別, 但呢位最叻牛既特首, 竟然話自己每日花45分鐘睇九份報紙, 又話自己施政動力來自傳媒的報道。呢位特首即係每日花五分鐘睇一份報紙, 但佢自己知唔知道, 而家大部份報章既報道, 都係由佢啲手下以消息人士放風既方式, 指點記者寫稿, 然後扮成獨家新聞咁登喺頭版上面? 如果林鄭話佢施政動力來自傳媒報道, 咁佢係講緊咩呢? 佢係好ENJOY同事工作既表現, 令到政府施政既新聞上頭? 還是真心認為傳媒好厲害知道政府既內部消息? 其實佢都係想間接話比大家知, 傳媒已經被政府收編晒架啦, 大家有咩不滿都不用向報館投訴, 因為報館自然會將件事漂白了。

至於林鄭係咪重視新聞同言論自由, 呢啲嘢唔使講出嚟, 係透過平時既表現得出結論的。林鄭呢屆政府可能對傳媒既反應係著緊左, 但唔代表佢地重視傳媒, 畢竟佢地都並非真心認為傳媒係社會既第四權。就以最近港珠澳大橋人工島事件為例, 林鄭不是批評「單憑一張相」去懷疑大橋的設計? 處處維護中國的利益, 而非為香港提出的質疑據理力爭。這樣真的是重視新聞言論自由嗎?

香港電台: 行政長官林鄭月娥重申政府重視新聞自由和言論自由,並承諾重視新聞工作,因為這是香港的核心價值和優勢。

林鄭月娥在香港報業公會頒獎禮致辭時提到,發展經濟、改善民生,以至在政治上有更好的發展,都需要依靠傳媒的公正和深入報道。她說,本屆政府推出了方便傳媒的不同措施,包括放寬網上媒體的採訪,多回應傳媒的提問。她說自己上任至今有超過80次會見傳媒,會努力與傳媒溝通。

至於香港的新聞自由的國際評級下降,林鄭月娥希望從業員不要妄自菲薄,她認為香港媒體在獨立中肯報道方面表現出色,有效監察政府工作,形容自己的施政動力來自傳媒的報道,每天會花45分鐘閱讀9份報紙,鼓勵傳媒繼續努力。

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store