更新: 預算案得分十年新低

港大民意研究計劃在政府發表財政預算案後,進行電話即時調查。500多位受訪市民對財政預算案的評分平均數為48.2,是調查進行10年以來最低。

另外,有40.5%受訪者表示不滿意財政預算案,滿意的有26.3%,滿意淨值為負14.2%,比上一份預算案減少29%。我唔知林鄭月娥會點諗,但廣大市民,包括左派及泛民,相信都好難盲目支持呢份咁既預算案。特區政府坐擁大筆盈餘卻死抱不放,其實就係為左配合北京既大白象基建工程,這也是今年要撥200億去河套區既主要原因。未來特區政府相信會每年都有啲錢係去左比配合北京既基建,新界東北發展,洪水橋新市鎮,船灣淡水湖填平呢啲工程,都係為左每日150人來港既需求。咁樣當然係為長遠著想,但為一啲本來唔係住喺度既人使錢,點解唔諗下照顧下住呢度既人,同埋幫呢度交稅既人?香港人有得揀,都唔係好想交稅比呢個PK政府,派一萬張海洋公園出手咁低都要拎出嚟講,上次迪士尼派飛成百萬人登記,今次又點計,中獎仲難過買win place, 不如你免全港市民一個月既交通,水電煤及電訊費用啦。

拿,林鄭到而家都只係係咁易回應左一句,但隨著民情既發展,睇佢會威得幾耐?

200億比河套區科技園區,點解唔回水?

睇住媒體報道香港特區政府財政預算案, 真係想不到林鄭既所謂理財新哲學, 就係大手筆攞200億元去落馬洲河套區搞科技園,派2000元比基層學生做咩? 派一萬張海洋公園門票比中小學生又做咩?點解唔免費招待全港學校每年一次去海洋公園旅行? 係咪由而家開始培養出佢地接受特區政府施政, 做個忠誠的人民? 減稅退稅措施其來自有, 沒有太大驚喜, 但全年免差餉又係咩玩法? 咁係歧視沒有樓的市民吧, 咁不如全年免電費來得更實際公平。

成份預算案, 睇唔到有咩策略去幫助香港經濟發展, 就係不斷咁填氹, 預留3000億比未來十年起醫院, 但而家既公共醫療服務已經唔够, 仲要等十年? 點解唔立即行動? 同埋比80億元起地區設施, 又用嚟起埋啲無用既地標建築物, 咁點解唔將啲錢分番比市民?

港台報道話今屆預算案厚中產薄基層, 大佬, 退稅果啲錢係留番喺庫房唔拎得出嚟架喎, 但你基層果啲雙糧三糧全部現金交收, 邊個厚邊個呀? 中產交少啲稅都係出年既事, 同埋又要預繳後年既稅, 一年滾一年, 邊度有錢由庫房比番納稅人? 答案係無既。

總之呢份預算案, 睇怕左派都好難支持得落了....

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store