棄守中大保留實力作長期抗爭

[轉載自暴大保安組TG]

各位中大入面嘅手足,多謝各位連日來為守住死城嘅付出,呢幾日辛苦哂大家。見到大家食白飯麵包,露天訓覺都覺得好辛苦。

簡單交代現時校內情況:

1)中大校內安全平靜

其實現時 #二橋,#吐露港公路,#大埔公路 已set哂手足RB,東鐵亦停左,可說已經截斷咗多項交通樞紐,現階段安全。

2)食物衣物資源充足

有賴咁多位手足連日來送入大量物資🙏🏽按照現時物資嘅規模,一旦大學任何出口發生突發事件,係補給同防守上都係應該足夠的。

3)宿舍狀況

收集各宿舍情況,唔同宿舍有唔同做法,均按照舍監及同學意願。據了解,校方並未有發出任何指示要求全部宿生撤離,所以部分宿舍現時一直繼續開放,亦有不少宿生自發貢獻宿位、宿舍公共空間、甚至食物予手足補給並休息梳洗。而且全部宿舍範圍安全。建議唔好再散播錯誤訊息及自己既推測,以免自己人自己製造白色恐怖。

呢幾日大家一直講「圍魏救趙」,透過喺各區開花分散警力,以鬆動攻打大學嘅警力。而結果證明,係成功拯救到嘅。但同時,出面各區亦一直需要戰力支持。事實上,由尋晚到今朝開始,其他大學亦一直被攻擊,需要極多人力物力支援,亦有唔少本身係中大嘅手足已經不斷出去幫手。

因此我哋懇請各位現時係中大嘅手足,可以慎重考慮現時個人去向,決定繼續留守中大,定係出返市區支援或者休息。

現時留守喺中大,其實係精神同身體上都非常消耗。其實大家可以返屋企休息下,或者出去幫下手,等自己回復狀態,先可以行得更遠🙏🏽我哋依家唔係背水一戰,而係長久抗爭,當然亦唔係叫大家棄城,而係Be Water,一方資源足夠嘅時候,自然可以流向另一方。希望各位手足可以考慮。

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store