《星島》林鄭又炒大鑊?

香港的建制派表面上好似好團結,實際上就係分黨分派,一派明顯是緊跟中央路線,另一派則緊跟特區政府路線。但問題係,中共最大,大家都要睇北京做人,加上香港現在有一個國家領導人叫689, 又有一個叫老董,呢兩個加埋西環就成為建制陣營既大大佬,至於林鄭為首的特衰政府,除了廢柴還是廢柴,加上被指反港獨不力,令已落台既689多次在其網頁點名罵林鄭做得唔够,分分鐘呢個特首被689打小報告。而昨晚挺梁旗艦報星島集團主席何柱國, 竟然在林鄭面前質疑特區政府縱容港獨, 更將建制與林鄭嫌隙公開。各位, 林鄭能否做多五年, 背後有沒有人搞局, 好戲在後頭。

蘋果報道,林鄭昨晚出席東周刊的15周年紀念儀式上,與星島集團主席何柱國駁火。 何先讚政府風災處理算係安排得不錯後,突然轉話題,指早前信報專欄作者「余錦賢」話《星島》寫有關反港獨的事宜,其實只係建制派意思,並不反映中央意見。何直斥對方可能畀毒蚊針到,白痴兼無腦,因此可以叫「余腦炎」,重申港獨問題不能縱容,《星島》嘅政治路線從來正確。

隨後致辭的林鄭,一開始透露活動舉行前,東周刊話要改rundown,想由她先致辭,「好彩我呢個特首辦主任醒目,我呢個同事係最叻,佢話千祈唔好制,你一定要比何生講先,然後我要回應,特首講嘅先算數。」但林鄭其後強調自己既對香港、也對中央負責,總之特區政府並無縱容港獨。

林鄭致辭至最後,提及今日係東周刊經典品牌頒獎禮,她認為品牌要有三個特質:公信力、可靠及與時並進,至於東周刊長遠能否做到,大家「拭目以待」。

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store