教育局長公然詆毀廣東話

我們這個特區政府,為了獻媚無所不用其極。當絕大部份香港人都在以廣東話溝通時,有主管教育既局長就話廣東話無用,但諷刺既係佢自己係用緊廣東話講呢番說話。世界上講普通話既人真係多嗎?我相信中國方言比普通話更多,廣東話就沒有生存空間嗎?這個姓楊的除了契弟還是契弟,不配作香港人!

教育局局長楊潤雄今早在港台節目指,希望學生能以普通話表達日常用語,稱世界將來的中文發展,會以普通話為主,質疑以廣東話學中文會否長遠。對於社會認為大學校園政治氣氛濃,楊潤雄指,欣賞大學生關心政治議題,但「要學識邊啲野係有可能,邊啲野係冇可能」。

楊潤雄在節目表示,學界爭拗應用廣東話還是普通話學中文,他稱,以廣東話朗讀古詩詞歌賦才有韻味,對香港來說其實是優勢,惟他亦指,「日常用語,日常生活裏面能夠多些用普通話表達,或者去學,係咪會好啲呢?」

他續指,「我有時想,當然需要一啲去專家研究啦……全世界學中文你諗下有邊啲地方用廣東話?其實冇架……即係成個世界將來中文嘅發展,係以普通話為主。香港一個700萬人嘅社會用廣東話學中文,將來會唔會長遠?會唔會有個分別令我們失去優勢呢?呢個要專家去研究。」

楊潤雄表示,在教育局的角度,能否以普通話教中文,前提是老師及學生的普通話水平都要達到一定標準,方能以普通話教學中文。

對於社會認為大學校園政治氣氛濃,楊潤雄欣賞大學生關心社會、政治議題,胸懷理想,但「佢地亦都要學識邊啲野係有可能,邊啲野係冇可能」,他指,作為13億人口的一部份,一國兩制亦是由國家決定。

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store