政府無責任為私校學生家長代繳停課學費

有家長發起聯署要求政府代繳停課期學費

講真,讀私立直資係你地㨂既,政府無迫你。你有錢要讀名校係你既事,政府有津貼有學券你唔用,而家停課覺得蝕咗就要政府幫你填,仲要恒常化?咁係咪八號風球停課都可以claim政府?你呢啲家長有無倒轉諗,打風停工要否嘔番果日人工比公司呢?私校老師都要出糧,你認同呢間學校,就要保埋老師生計,無理由要政府包底,呢啲人做到家長,唔知班小朋友喺咩環境長大呢 ?同埋,你停唔停課都要比學費,關什麼減輕家庭生計呢?生計對你地呢班人來說應該不成問題,才會甘願每月幾萬咁去搶讀呢啲學校。同埋,呢啲家長係咪應該同辦學方討論學費安排呢?政府無責任包底架!

【聯署要求政府為本港學童代繳停課期間學費】

由於中國湖北省武漢市正爆發新型冠狀病毒肺炎疫症,特區政府宣佈延長本港中小學、幼稚園及特殊學校的農曆新年假至3月2日復課。

作為家長,明白學校應採取停課安排,唯在停課期間,家長們須在學童毋須上課的情況下,仍繼續繳交有關學費,對於不少家長造成困擾。由於停課實屬非常的措施,在不影響學校營運的情況下,建議政府應考慮為本地學童,代繳相當於停課期間的學費,紓減家長的經濟負擔,也免除了家長與學校的矛盾。同時,亦應就日後停課的安排上,研究推行上述補償措施及予以恆常化。

誠邀你參與聯署,並轉發予其他家長參與,以引起社會關注,促請政府回應。

發起人:兩位正就讀幼稚園K2學童的家長

聯署網址:https://rb.gy/z6htmj

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store