政府派錢搞出大頭佛!

Image for post
Image for post
Image for post
Image for post
Image for post
Image for post

林鄭政府今日的我打倒昨日的我,昨日宣布向合資格人士派發4000元,本來呢個補鑊方案理應獲得掌聲多過噓聲,但觀乎兩大收費報章的標題用字,林鄭政府今次轉軚未能為她帶來掌聲之餘,更可能會開啟她民望下滑的大門,她的所謂理財新風格,原來係要為公眾添煩添亂,政府派錢派得咁唔大方,不如唔好派好了。

一向親政府的社區組織協會主任兼扶貧委員會委員何喜華狠批政府沒原則可言,。他指今次一次性派錢措施,未能達致扶貧作用,也無法令全民分享經濟成果,而且申請手續必定繁複,行政費高昂,「搞到進退失據,兩頭唔到岸」。

老老實實,預算案在公布前已有政黨要求政府人人派錢,當然係有選舉拉票成份,但派錢已非當局的禁忌,皆因幾年前已派過一次,人人有份。但今次由政黨鼓吹,政府堅持反對,到選舉後一星期就話要補鑊,然後林鄭企出嚟話做得唔够,最後在昨日宣布向280萬人派4000元,合計款項110億元。

110億元,相對政府預留比深圳河科技園區果200億元仲要少90億元。我曾經寫過要全民受惠的話,最好人人免費手機上網,700萬人每人每年2400元無限上網月費預算2400元,一年最多開支168億元,比起而家110億元只能為280萬人受惠化算好多吧。中國政府都在鼓吹提速降費,而香港政府係咪又怕比人輸送利益呢?如果係怕咁不如向網絡商將高價投得頻譜的牌費全部回水, 並宣布取消高價拍賣頻譜,然後迫網絡商減行政費來迂回地回水比公眾,咁都係人人有份。

今次政府派錢,美其名係派錢,實際上同申領綜援無分別,一來要申請人證明自己低收入或無業,二來又規定無物業人士,三來又要無申領政府津貼,咁講其實要拎啲4000元既人唔係好多,好可能係一班退休人士,大學生及無錢交租瞓板間房的人。咁樣派當然無可厚非,但大學生無端端比4000元佢做咩?點解唔比交學費果個呢?如果大學生可以拎,點解讀中小學既學生又無份?大學生係用緊政府津貼學位喎,咁中小學免費教育也是一樣,而若派得比呢班人,咁點解唔派晒比所有學生?

由於政府要求領取人士須要作出聲明,申報自己合資格領取,故在市民未清楚自己是否符合領取資格時,除時有機會觸犯失實聲明的刑事罪行。咁樣派錢,係想趁機捉人犯法詐領金錢,還是真悟想幫助市民或者與民分享經濟成果?似乎呢個政府就係人人都係大賊,想打政府荷包,於是便要攞錢既人打開肚皮比人驗才够資格。這個政府真係連人性都沒有了,只有錢,儲備同阿爺!今次派錢派出大頭佛,林鄭又衰一鑊。阿爺仲會信佢?

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store