張超雄撤回單次引渡私人草案

擾亂一日,張超雄終於撤回惹起爭議的單次更香港引渡台灣的私人草案。說到底泛民根本無必要幫政府拆彈,而家係對抗政府的時候,而非幫佢地既時候。

Image for post
Image for post

問題根本在於今次無大台,而泛民呢班人又出嚟抽水,將過去的五大訴求束之高閣。而家死者老豆突然又走出嚟要求公義,搭個台比七婆,泛民急唔切又跳出嚟做埋下半part,對抗爭者嚟講,呢啲就係鬼就係玩嘢既行為。

張超雄要做為何不與抗爭者先行討論?而係做咗先講?這便是大台心態,要你要聽我支笛的心態。講真,泛民如果係有心解決問題,唔該唔好再扮正義,什麼不割蓆不要再講啦,泛民入面自己都成班鬼,再睇清楚啲件事就係個別泛民都係幫政府搭下台階,呢啲咁建制既行為,睇見都嘔心。

家陣政府唔出聲,搵沙中線擋一擋,但堅持咗撤回成個月結果原來係幫人解決問題,泛民玩咗幾百萬人一個月,原來最唔想撤回果個就係泛民。

以下節錄連登網友的相關回應:

「e家香港政制已失效,搞乜一次性議案又好,同高官傾又好,嘗試重新開始立法會功能又好,搞乜草案都好,即係仲信港共政府,

只係識維穩立法會既又復活既話,即係將人民權力又交返畀已經失左效既議會

咁咪消耗民意囉,又白白犧牲咗6月以來的抗爭,又令抗爭失焦

5大訴求有冇1樣達成?

政府如果同意1次性,咁一般唔太清楚既市民就會覺得混亂,甚至以為抗爭成功,

我地仲由得呢個失效政制繼續管治我地?

自治呢?真普選呢?重組政府呢?官員問責同追求犯罪執法者呢?

我地仲訴諸議會、仲寄望所謂「行之有效」的既有法制,即係變相承認港共政權既合法性,幫佢挽回民意,幫佢維穩,真係好咩?

當年抗爭者被判刑,泛民竟然話合情合理。社會上e家支持緊香港市民既人,包括議員、組織、商人,好多都係見風擺動既草,如果政府維穩成功,抗爭勢力一弱,民間對港共政權既反抗意志減少… 大家知道有咩後果嗎? 大搜捕、加強對言論自由同新聞自由既打壓、中共進一步打壓香港人聲音、真自治同真普選再無機會實現…

所以,任何形式既維穩,任何訴諸/承認/依靠現有港共政權既做法,都必須三思…… 我地輸緊呀,再輸就真係無命架啦(狗真係會咬死人,義士真係會被虐),必須一鼓作氣,背水之戰

香港人一妥協,就會萬劫不復

anyway, 721需要大家,唔好忘記d狗點打人,香港人需要真普選,真自治,令中共放棄香港!」

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store