小一派位公布前夕

Image for post
Image for post

睇住呢單新聞既時候,距離星期六早上九點半放榜還有十小時,要承受派位結果的大小姐早已呼呼大睡,作為負責派位的家長,我就在整理一些明天會用到的文件,但整整下才發現自己無買郵票,又沒有把學校成績表預先影印,也忘了影印住址證明等等等等,很多事情都沒有預備,當然也沒有預備甚麼叩門信。老老實實,呢個派位制度真係不知讓人感覺如何是好,我接受政府安排派位,但又留有尾巴比學校去接受叩門位,咁即係點?我們曾討論過不是每位小朋友都能接受到陌生環境面試這一關,咁既然係咁,呢一關又係一個filtering的過程,那這些學校為什麼不轉制 由day 1便面試就算,不要參加派位好了。

現在似乎是大家派成點都好都要去叩門,派到第一志願既去跨區叩門,派第二志願就本區叩門,咁樣沒完沒了其實派位制度的意義也失去了。教育局明知制 度有漏洞卻又放任學校在六月面試叩門位,但學生不用上課嗎?為了面試要去請假,同請假見工一樣令人不安。講真,如果教育局關掉叩門這一關,任何學生只能到 派獲學校入學,要轉校等小二插班,我相信大家立即無晒壓力。家長填表㨂校就要接受結果,呢個結果係差既都無法,玩叩門遊戲只會累小孩及家長,人仔細細做咩要考試面試?小孩讀書係政府安排,收佢讀書咪得咯,為何要容許學校左挑右選?大家還不是出政府既糧,受教育局規管?

至於明天如何接受派位結果?唉,所謂的七成滿意率都係吹水,點解唔講首志願既比例呢?因為一定少過一半咯,咁大家知咩事啦,又係語言偽術,你試下股票IPO抽籤結果係咁樣報?我諗肯定被人投訴到爆。

我到現在都係好平靜,可能已經打左底,但對於目前沒有學位的,只能希望天父眷顧,派得首名志願,早日結束這場派位鬧劇,阿們。

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store