家校會反對罷課原因係考試?

老老實實,罷課與否係關乎學校、學生及家長三方既決定,有中學生計劃六一二當天自發罷課去金鐘野餐地點做糾察,若我係老師我唔會反對,但當然要睇校長安排。但呢次亦係一次好好既公民教育展示的機會,遠比課堂的學習來得重要,讓學生明白社會的荒誕。

但今日有一個官方支持的家庭及學校事宜合作委員會既湯修齊就衝出嚟反對學生罷課,仲話喺呢啲老師及學生都忙的日子搞罷課會影響學生學業及升學。講真,罷你一天影響啲咩?你間學校全年瞓覺只在六一二考試同返工架?你要挺政府反罷課無人反對既,但唔該搵啲好啲既藉口,定係言下之意你都好想罷課,不過最好揀星期日或者暑假嚟罷課?佢仲講到咩不容外界組織影響學生正常學習過程,嘩,你講緊咩呀,而家係個政府搞到民怨沸騰喎,你唔點名鬧搞事果個而走去針對反對果班?咩叫做倒果為因呀?你呢班人點教學生呀?

家校會主席湯修齊及香港各區家長教師會聯會發出聲明,表示堅決反對在6月12日罷課罷考,呼籲家長、學校、教師、學生謹守崗位。

聲明稱,香港容許有言論、遊行、示威、抗議自由,但有組織在學生面臨考試,教師要去處理學生升學就業的時候建議學生及家長要罷課罷考,影響學生,影響下一代的學業、升學等,對此絕不贊同。聲明表示,作為家長,要謹守崗位,把子女的教育放在最重要的位置,不容許外界組織影響子女的正常學習過程,讓子女安心在學期末做好考試的準備,確保升學就業的順利過渡。聲明表示感謝校長、教師帶領學生以從多角度、深層次去思考分析社會議題,而並非以罷課罷考去擾亂學生的學習過程。

參與聲明的包括家庭與學校合作事宜委員會主席湯修齊,以及中西區、屯門區、離島區、元朗區、深水埗區、觀塘區、黃大仙區、灣仔區和大埔區的家長教師會聯會。

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store