搬香港青年返大陸住

林鄭月娥政府最叻推卸責任, 自己唔想上身既嘢搵出面既人搞。其中一項就係土地問題。政府諗唔掂如何搵地起樓滿足每日150人南下既需求, 就搞一個獨立委員會出嚟, 美其名集思廣益, 實質上就係吹水唔抹咀咩都講一大餐, 結果呢邊話要喺郊野公司外圍起樓, 果邊就話要喺離島填海, 又話填左個水塘佢, 跟住仲話要喺貨櫃碼頭上面起樓, 呢啲天馬行空既諗法唔係唔得, 但係咪真係可行先? 而家呢個委員會就出左份諮詢文件, 叫人比意見, 好明顯, 呢啲諮詢都係無結果既諮詢, 結果就係沿地踏步, 咩地都搵唔到。

而成單嘢最騎呢就係, 安排好多好無謂既宣傳活動, 表面上係想多啲人參與討論, 但實際上既效果就係反映香港土地問題既嚴重程度, 藉此向從政者表達缺地非政府的錯, 而是所有人的共業。這也反映林鄭一早已為事件諗好結局, 就係香港無地, 唔關佢事。而最賤就係去找一班住籠屋的人做呢場公關show, 將自己的快樂建在人家的痛苦身上, 呢啲咁既九流公關, 都真係唔知咩人安排。

講真, 土地問題千瘡百孔, 地主有地唔起樓, 政府卻無視呢啲私人土地的存在, 卻去觸動社會上敏感的填海, 郊野公園等議題, 這明顯是轉移視線, 保障地主的利益, 卻拒絕從需求方面著手控制, 這只反映林鄭只會打閃避球而缺乏解決問題的能力。當地鐵公司也開口說要在中國鐵路站建屋送香港年輕人回去住, 我們的政府卻不斷開門歡迎來自中國的人家庭團聚, 難道香港年輕人沒有家人嗎? 為什麼香港年輕人要往外離家, 中國的便天天南下團聚?

「土地供應專責小組的正、副主席黃遠輝及黃澤恩,聯同多名小組成員,落區到深水埗探訪劏房居民,了解他們的住屋需要。黃遠輝表示,劏房及板間房等房屋環境惡劣,看到後感觸良多,因50多年常探望祖父及在其於區內居住的籠屋留宿過夜,沒有想到多年後惡劣居住環境仍然存在,故感觸良多。他期望,透過今次公眾諮詢,減少各界分歧,覓出更多土地,協助基層市民。」

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store