九巴勿自欺欺人

作為一名普通打工仔,對於九巴在處理今次工潮上的手法,實在無法認同。特別是今晚罷駛車長葉女士與九巴管理層會面前後,九巴仍然要堅持葉是以員工身份與九巴見面,而非代表大聯盟最為反感。其實正如葉女士所指,九巴肯見佢地已經好好,什麼身份也不重要,其實擺明人家都留番位比你九巴,最好含糊帶過葉的見面身份。佢無人無物,心口得個勇字同埋成千名車長同事在群組支持,佢口話代表大聯盟有咩問題?九巴既公關林子豪,即係前新聞主播,唔需要下下啄住葉女士既身份去同傳媒講佢係個人身份同公司見面。咁樣強調個人身份,係驚工賊會既九巴分會詐型,定係驚咩嘢呀?凡事大家留一線,大家都係幫郭家打工啫,咁如果葉女士話佢係以基督徒身份見九巴管理層,咁林子豪係咪又要澄清佢係代表個人?本人雖然從事傳訊工作年資有限,但既然員工都唔再堅持什麼身份,咁作為僱主唔需要去到盡既,四両撥千斤既回應咪最好咯,點解唔可以話「九巴作為僱主一直聆聽不同員工既意見,包括葉女士及其他月薪車長既意見」咁樣係咪好過你一口咬定葉女士只係個人?老老實實,你班管理層係咪個個個人身份車長上去總部你地都接見?唔係呀嘛,你見佢都係因為佢搞罷工背後有千人撐腰,唔好再自欺欺人啦九巴,認下低威唔使死既。林子豪做慣新聞主播以為自己好有公信力呀,你只不過係一粒棋咋。

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store