中大女生除口罩哭訴警方性暴力

中文大學校長段崇智今日與同學及校友會面。期間一名中大女生向校長哭訴,指她及其他被捕人士在扣留期間被警察施以集體性暴力,是不分男女的毆打。她最後更脫下口罩,向校長鞠躬,希望校長能與她一同譴責警方對被捕人士的施暴。

轉載自Studio Incento FB page:

【中大女學生除口罩 親述入新屋嶺後入黑房被警察性暴力】

即使女學生哭著要求中大校長段崇智,段崇智仍拒絕應承該中大女學生就警方暴力發出聲明譴責

女學生:

警方要我地去邊就去邊,入黑房就入黑房,除衫就除衫。

你知唔知道我地有人俾速龍用棍打到呢刻都要覆診?

你知唔知新屋嶺個搜身室係全黑?

你知唔知唔止我一個受到性暴力?

其他被補人士遭受不止一名警員不分性別性侵和虐待。

你知唔知我地俾人打時,港鐵職員望住我地視而不見?

你知唔知我地係拘留過程中俾人肉隨砧板上任人魚肉?

大家可能唔明白點解我要三番四次企出來,原因係我件衫上面:

我生長係一個家暴既家庭,我無屋企人,我係香港只有一個屋企就係中大。我欣賞中大因為呢到既環境和人文精神,同時係社會運動發揮一定力量。我希望呢個屋企可以俾到關懷我地呢批被補人士,可以真切關心顧慮我地既安全。(我希望)當我地俾人打、被性暴力時,你第一句係關心我地先,而唔係譴責我地爆左塊玻璃。

校長,以下唔係一條問題,而係一個請求。校長,我理解你要顧及學校唔同parties既意見再取平衡。校長,我願意鼓起勇氣除低口罩,請問你願唔願意一齊鼓起勇氣,同學生同行,譴責警方對被補人士包括中大學生施暴?

Written by

A columnist in political development in Greater China region, technology and gadgets, media industry, parenting and other interesting topics.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store